بسم الله الرحمن الرحيم ...
السلام عليكم ورحمه الله وبركاته ...
حياكم الله في مطبخي ...
اليوم طبخت الكم معكرونة بالبشاميل...
وايد وايد سهله ومايبالها شيء ...
المقادير :
- كيس معكرونه واختاري الشكل الي يعيبج او اي معكرونه متوفره في مطبخج...
المهم فوري المعكرونه مع ماي وملح وشويه زيت زيتون لمدة عشر دقايق
...
- وفوري ديايه و نص مكعب ماجي ...
- بصله مقطعه مكعبات اصغار..
- فص ثوم او فصين على حسب الرغبه ...
- طماطه وحده من الكبار ...
- قرن فلفل حار...
- نص حبه فلفل بارد...
- مشروم طازج مقطع شرايح...
- معجون طماط (صلصل)...
- جبنة الموزريلا ..
البهارت :- ملح + كمون + فلفل ابيض + فلفل اسود + فلفل حمر +بزار+ ازعتر بري ( اوريغانو )
او استخدمي اي نوع انتي اتفضلينه ..
الحشوة : نذوب ملعقه صغيرة من الزبدة وملعقه كبيرة زيت المناره
او اي زيت موجود عندج ...
يوم بيحمى الزيت شيطي البصل لين مايشقر عقب ضيفي الثوم
وخلاف المشروم لين مايشرب الزيت كله
بعدين روحه بيطلع شكل الصوص وبيغدي لونه بني ولييين
ولييين بعدين حطي الفلفل البارد يوم بيذبل حطي قرن الفلفل و الطماط وحطي ثلاث
خواشيق (صلصل ) امزجيه مع الخضره مدة ثلاث دقايق
بعدين حطي الدياي المفور بعد مافتتيه طبعا وعقب حطي البهارات
على حسب رغبتج...
البشاميل :
مقاديرها : خاشوقتين من الكبار زبدة+ كاسين حليب طازج+ ثلاث خواشيق طحين
خاشوقه نشاء مذوب في خاشوقه ماي + ملح + فلفل ابيض
الطريقة :
تذوبين الزبدة في جدر صغير وتحطين الطحين بالتدريج واتحركينه في اتجاه واحد مع عقارب
الساعه وبعدين تصبين الحليب بالتدريج بتلاحظين كل ماتحركين المزيج يغلظ معاج لين ماتكملين
الكاسين وانتي تحركينه
حطي خاشوقة النشاء وتمي حوثي لين ماتحسين انه الخليط بدا يتماسك واستوت عندج صلصه
بيضاء بعدين ضيفي نص ملعقه فلفل ابيض وربع ملعقه جاهي ملح او على حسب رغبتج
...
ملاحظه لازم تشلين الصلصه بعد ماتفور عسب تضمنين الطعم الخطير لووووول ...
بعد مازهبت عندنا الحشوة + المعكرونه + صلصة البشاميل
نيب صينية البايركس ونحط نص كمية المعكرونه ونخلط نص الباشاميل
ونمددها بشكل مرتب عشان نحط الحشوة فوقها بعدين نغطيها بنص المعكرونه ونصب باقي
الباشميل على الويه ونحط جبنة الموزريلا
..
ونحطها فالفرن مدة 10 الين 15 دقيقه بس .....
.... وبالعافية عليكم مقدما ....