[ليتني بنت عمك وبالزواج اغصبونا
ويحددون الملكه وبعدها يكلمونا
لأجبرتنا ظروف،ولا مدري أشوف
كل شي مخطط ومرسوم وأمي حولي تحوم
يابنيتي هذا فستانك جربيه....
والزواج هذا الخميس ولاتقدر ناقشين فيه
والله مادروا اني من الفرحه بطير
واني احلم به قبل مايصير
وني ببقى معه طول الحياه
وبعطيه عيوني لجل رضاه
والله لأعيشه ملك وسلطان
وارفع راسه بكل مكان..
وبحاول قد مأقدر اسعده
وابعد عن الشي اللي ينكده..
وان ماكل زين أغصبه
وأن مانام زين ألعب بشعره هالحركه تنومه
وهو يدري أني من نظره افهمه وقبل يتكلم أكمل كلمته
ويبتدي يوم الخميس وتبتدي معه الحكايه
واغراضي جاهزه من الفستان للعبايه
ومستعده لرحلتي وفيني فرحه وخوف.
ياترى مشتاق لشوفتي وفيني شغوف.؟
واسمع صوت امه ادخل يايمه العروس داخل
زادت ربكتي ودمعي من الشوق سايل
وتحتضن يديني يدينه والحيا بيني وبينه
ماقدرت اطالع عيونه
فديته وفديت حتى جفونه
أبتسم وقال"وش بك"؟؟
قلت:مدري\
قال:الحيا مطوول؟
قلت:"توه بدري"
قال:احبك ..قلت:مدري؟
قال:كن الحيا طول؟
قلت:زاد أكثر من أول
قلت:تسمح ارتمي بحضنك؟واذوب بين كلك وكلك؟
قال:تدرين اول مافكرت فيه ضمك
آآآآآه عساني مانحرم منك
وفجاه يدقون االباب يلاه ترى زفتكم يعلنون
وتدخل أخته وتقول امسك ايديها وبشويش تمشون
قلت:يووووه قلبي زاد نبضه
مسك ايديني وقال:فديته وفديت حبه
وبدت مراسيم الزفه والشرعه حولي ملتفه
وطلعت على أغنية عسى ربي يخليك لعيوني
اهداها لي مره وقال اسمعيها يانور عيوني
وفي الزفه صرنا نغنيها سوا
وه بس يازين دروب الهوا
قالت ندى:شوفي شكله ميت عليها..
قالت هدى:وهي باين تموت عليه شوفيها
وقتها غارت بنت خالته
لأنها كانت تبيه لها
وإحنا نمشي في الممر قال:ممكن طلب
قلت:تامر امر
"أبي تعطيني بوسه قدام هالعيون"
واقهر فيها العواذل وكل مجنون
قلت:أركد حبيبي وش هالجنون
قال:حاضر ياغلا هالعيون
وهمس لي وقال:احبك
قلت:ادري
قال:والله الحيا راح
قلت:اووه من بدري
وفجأه صحيت من النوم لقيته حلم وردي
جاني في يوم
والحقيقه لاني بنت عمه
ولاحتى اقرب لجد جده
